Қазақстандық теннисші Елена Рыбакина Цинциннатидегі (АҚШ) WTA 1000 турнирінің ширек финалында поляк Ига Свентекке қарсы ойынға жарақатына байланысты шыға алмай, әлемдік рейтингте көшбасшы болудың бірегей мүмкіндігін пайдалана алмады, деп хабарлайды infohub.kz.
Турдың қазіргі көшбасшысы Арина Соболенконың 1/8 финалда күтпеген жерден жарыстан шығып қалуы Рыбакинаға оны басып озу мүмкіндігін ашқан еді. Бірінші орынға көтерілу үшін Рыбакинаға турнирде кем дегенде финалға жету қажет болды.
WTA рейтингіндегі қазіргі жағдай: Арина Соболенко (Беларусь) 8575 ұпаймен көшбасшылықты сақтап тұр, ал Елена Рыбакина (Қазақстан) 8141 ұпаймен екінші орында.
Еске салайық, бұл турнирде Рыбакина америкалық Тейлор Таунсендті (94-орын), поляк Магдалена Френхті (41-орын) және ресейлік Диана Шнайдерді (14-орын) жеңген болатын.
Цинциннатидегі сәтсіздікке қарамастан, Рыбакинаның алдағы маусымда көшбасшылыққа шығу мүмкіндігі зор, өйткені келесі ірі турнирде — US Open 2026 — Соболенко өткен жылғы титулы үшін көптеген рейтингтік ұпайды қорғауы керек.
Бұған дейін «Курсив» Қазақстанның бірінші ракеткасы Елена Рыбакина (2) ресейлік Диана Шнайдерді (14) 6:4, 6:4 есебімен екі сетте жеңіп, АҚШ-тағы Cincinnati Open-2026 супертурнирінің 1/4 финалына шыққанын жазған еді. Жартылай финалға шығу үшін біздің теннисші Торонтодағы финалдағы жақындағы қарсыласы — Польшадан келген Ига Свентекпен (5) бақ сынасуы керек еді.
Қазіргі WTA-1000 Cincinnati Open турнирі қатарынан 80-ші болып отыр. АҚШ-тағы ең көне турнир ешқашан орнын ауыстырған емес. Жарыстар Цинциннатидің маңындағы Мейсонда (Огайо штаты) ашық хард-корттарда өтеді. Cincinnati Open-2026 әйелдер турнирінің жүлде қоры $7,43 млн құрайды.