Үкіметте өткен брифингте энергетика министрі Ерлан Ақкенженов «Самрук-Энерго» басшысының қызметтен кетуін Алматыдағы ЖЭО-3 жағдайымен байланыстырып түсіндірді, деп хабарлайды infohub.kz сайты.
Брифинг барысында Ерлан Ақкенженов Алматыдағы ЖЭО-3 станциясын іске қосу жөнінде пікір білдірді. «ЖЭО-3 станциясындағы жағдай біршама нашарлау деп айтуға болады. Станцияны пайдалануға беру 2027 жылдың соңына жоспарланған, бұл — „Самрук-Энерго“ компаниясының уәдесі», — деді Ақкенженов.
Ол сондай-ақ жоба үшін басшылардың жауапкершілігі тақырыбын да көтерді. «Енді жауапкершілік туралы. Білетіндеріңіздей, жақында үкімет отырысында „Самрук-Энерго“ басқарма төрағасының бұрынғы қызметінен босатылғаны жарияланды. Ол мерзімдер бойынша және графикте көзделген жұмыс көлемінің орындалмауы туралы бірнеше рет ескертілген болатын. Жауапкершілікті ешкім алып тастамайды. Жауапкершілік „Самрук-Энергоға“ да жүктеледі, бірақ бұл жерде мердігерге, атап айтқанда „Самрук-Энерго“ компаниясына озық бағдарламалық өнімдерді және құрылыс барысын қадағалайтын тәуелсіз инспекторларды енгізу қажет», — деді энергетика министрі Ерлан Ақкенженов.
Еске салайық, бұған дейін Ақкенженов Алматыдағы ЖЭО-3 бұзылатынын мәлімдеген болатын.
28 қазанда Қайрат Мақсұтов «Самрук-Энерго» АҚ басқарма төрағасы қызметінен босатылғаны белгілі болды. Үкімет отырысында премьер-министр Олжас Бектенов «Самрук-Энерго» басшысы Қайрат Мақсұтовтың қызметтен кетуіне қатысты пікір білдірді. Бектенов оған бірнеше рет ескерту жасалғанын, алайда ол тиісті қорытынды жасамағанын айтты. Басқарма төрағасының жаңа қызметіне 2013 жылдан бері «Самрук-Қазына» тобында жұмыс істеп келе жатқан Ансар Айдаров тағайындалды.