Беларусь теннисшісі Арина Соболенко АҚШ ашық чемпионатының финалдық матчы аяқталған соң қазақстандық Елена Рыбакинаны құттықтады, деп хабарлайды infohub.kz сайты.
Маусымдағы соңғы Үлкен дулыға турнирінің шешуші кездесуінде әлемдік рейтинг көшбасшылары кездесті. Рыбакина жеңіске жетіп, мансабында алғаш рет US Open чемпионы атанды. Соболенко бұл мэйджорды алдыңғы екі маусымда жеңіп алған болатын.
Матч бітісімен беларусь теннисшісі өз ракеткасын сындырды. Содан кейін ол операторларға бірнеше рет балағаттап, түсірмеуді сұрады.
Марапаттау рәсімінде Соболенко Рыбакинаны құттықтап, қарсыласынан маусым соңына дейін жеңісті тойлауды әзілмен өтінді. Алайда беларусь теннисшісі көз жасын тыя алмады.
«Сөз сөйлеу — қазір менің ең соңғы қалауым. Бірақ барынша тырысамын. Қолдау көрсеткендеріңізге рахмет! Екі апта бойы сіздер үшін ойнау жағымды болды. Әрине, көңілім қалды, бірақ Еленаны тамаша маусымымен және осындай нәтижелерімен құттықтағым келеді. Бұл толығымен лайықты. Ләззат алып, рахаттана беріңіз — бүгін, ертең және маусым соңына дейін, мен бірнеше титул жеңіп алуым үшін... Өзімді осында үйдегідей сезіндім. Командам мен достарыма алғыс айтамын. Жақсырақ ойнағым келді, бірақ енді келесі жылы деп үміттенемін», — деді Соболенко.
US Open қорытындысы бойынша беларусь теннисшісі Әйелдер теннис қауымдастығы (WTA) рейтингінде екінші орынға түседі. Әлемнің бірінші ракеткасы Рыбакина атанады.