Әйелдер арасындағы жеке сында әлемнің бірінші ракеткасы Арина Соболенко 2026 жылғы АҚШ ашық чемпионатының жартылай финалына жолдама алды, деп хабарлайды infohub.kz.
Ширек финалда беларусь теннисшісі әлемдік рейтингтің алтыншы сатысында тұрған және Уимблдонның қазіргі чемпионы атанып отырған чех Линда Носковамен кездесті. Матч максималды үш сетке созылып, оның екеуі тай-брейкте аяқталды. Соболенко 7:6 (7:1), 3:6, 7:6 (10:7) есебімен жеңіске жетті. Спортшылар кортта 2 сағат 22 минут өткізді.
Беларусь теннисшісі үшін бұл US Open жартылай финалына қатарынан алтыншы рет шығу. Алдыңғы екі маусымда ол осы Үлкен дулыға турнирінде топ жарған еді.
Келесі кезеңде Соболенко американдық Джессика Пегула мен Эмма Наварро арасындағы матч жеңімпазымен кездеседі.
US Open қорытындысы бойынша беларусь теннисшісі әлемнің бірінші ракеткасы атағын жоғалтуы әбден мүмкін. Титулды қорғаған жағдайда ғана оның рейтингте көшбасшылыққа шығу мүмкіндігі сақталады, бірақ бұл үшін қарсыластары — Пегула, тағы бір американдық Коко Гауфф және қазақстандық Елена Рыбакинаның нәтижелері де қолайлы болуы керек.