Қазақстандықтар Aitu мессенджері арқылы ата-бабалары мен отбасы тарихы туралы ақпаратты сақтай алады. Бұл туралы үкімет отырысында мәлімделді, деп хабарлайды NUR.KZ... сайтына сілтеме жасаған infohub.kz.
«Біз ұлттық дәстүрлерімізді, тілімізді және өмір салтымызды ескеретін ұлттық мессенджерлер жасап жатырмыз. Сондықтан қосымшада әр отбасына қажетті функциялар қарастырылады. Бүгінде Қазақстанда 800 мыңнан астам отбасы бар, олардың көпшілігі қарым-қатынас жасау және күнделікті мәселелерді шешу үшін әртүрлі сервистерді пайдалануға мәжбүр», – деді BTS Digital өкілі Максат Нұриденұлы.
Спикердің айтуынша, Aitu-да фотосуреттерді, маңызды оқиғаларды сақтауға және 400 адамға дейін қатысатын әртүрлі іс-шаралар ұйымдастыруға болады. Сондай-ақ қазақстандықтар үшін сүйінші, көрімдік, асар және садақа сияқты ұлттық дәстүрлерге байланысты ақша аударымдарын автоматтандыру жоспарлануда.
«Шежіре» жеке бағыт ретінде дамитын болады. Пайдаланушылар ата-бабалары мен отбасы тарихы туралы ақпаратты ыңғайлы форматта сақтай алады, – деп атап өтті спикер.
Ол қазақ тілін дамыту үшін қазақ және орыс тілдері арасында автоматты аударма функциясы қолжетімді болатынын қосты.