Теміртауда ерлі-зайыптыларды өлтіруге олардың өз ұлы күдікті болып отыр — көршілері әйелдің айқайлап, көмекке шақырғанын жеткізді, деп хабарлайды infohub.kz сайты.
Көршілердің айтуынша, сол түні кейін өлі табылған әйел подъез алаңына жүгіріп шығып, қатты айқайлап, көмекке шақырған. Сонда тұрғындар полиция шақыртқан. Пәтерге кіру үшін есікті бұзып ашуға тура келген — іші қанға боялған екен.
20 жастағы жігіт әкесіне алты, ал анасына тоғыз жерден пышақ салып, содан кейін қашып кеткен деп болжанып отыр.
«Ол оларды өлтіріп, есікті жауып, кетіп қалды. Оны таңертең ұстап алыпты. Үй чатында ұсталғаны туралы ақпарат тарады. Айтуларынша, ол ата-анасына риза болмаған — олар оның бостандығын шектейді деген сияқты. Қандай бостандық, білмеймін», — деді жергілікті тұрғын Елена Маскаева.
Көршілердің сөзінше, отбасы бұл жерге бір жарым жыл бұрын көшіп келген. Олардың айтуынша, ұлдары тыныш, тіпті ұяң жігіт болған. Болған оқиға бәрін есеңгіретіп тастады, дейді көршілер.
Дереккөз: КТК. Бұған дейін Теміртауда 20 жастағы жігіттің өз ата-анасын өлтірді деп күдікке ілінгенін хабарлаған болатынбыз — полиция оның ұсталғанын мәлімдеді.