Әлеуметтік желілерде баланы қатты ұрған сәт түсірілген видео тарады. Жарияланған кадрлардағы жазбаға сәйкес, оқиға Жамбыл облысында болған, ал күдікті — Қордай ауданының мұғалімі, деп хабарлайды infohub.kz сайты.
Видео астындағы жазбада: «Қордай мұғалімі баланы қатты ұрып, кейін зардап шеккен баланың ата-анасынан көпшілік алдында кешірім сұрады» делінген.
Педагогтің өзі оқиға шамамен бір жыл бұрын болғанын түсіндірді. Ісін эмоцияға ерік беріп қоюмен түсіндірді. Оның айтуынша, ол кезде кінәсін мойындап, жасөспірімнің анасынан кешірім сұраған. Енді ол оқушының отбасынан көпшілік алдында кешірім өтінді.
Жамбыл облысы полиция департаменті NUR.KZ тілшісіне бұл дерек бойынша кәмелетке толмаған баланы тәрбиелеу міндеттерін тиісінше орындамау фактісі бойынша қылмыстық іс қозғалғанын мәлімдеді.
Күдікті ұсталды. Қазіргі таңда кәмелетке толмаған баланың өмірі мен денсаулығына ешқандай қауіп төніп тұрған жоқ.
«Іс мән-жайын жан-жақты, толық және объективті анықтау үшін қажетті тергеу әрекеттері жүргізілуде. Олардың нәтижесі бойынша тиісті процестік шешім қабылданады», — деді ведомствода.