InfoHub Logo

Búkil álemde 1 - shi maýsym Balalardy qorǵaý kúni retinde atalyp ótip, eski halyqaralyq meıramdardyń birinen sanalady. Bul meıram búkil álemniń nazaryn balalar máselesine aýdarýdy kózdeıdi. Balalardy qorǵaý kúni  ártúrli is-sharalar ótkizýimen atap ótiledi. Ony ótkizý  jóninde sheshim 1949 jyldyń qarasha aıynda Halyqaralyq demokratıalyq áıelder federasıasynyń arnaıy sesıasynda qabyldandy. Alǵashqy halyqaralyq balalardy qorǵaý kúni 1950 jyly ótkizildi BUU atalǵan bastamany der kezinde qoldap, balalardyń ómirin, quqyǵyn, densaýlyǵyn qorǵaýdy óz qyzmetiniń basty baǵyttarynyń birine aınaldyrdy. Halyqaralyq balalar kúni merekesiniń týy da bar.

Álemde ómiri qaterge toly balalar da barshylyq. Ash-jalańashtyq, soǵys órti, teraktiler balalar ǵana emes, úlkenderdiń de psıhıkasyna keri áserin tıgizedi. Bul- qorǵansyz balalardyń basyna túsken úlken aýyrtpalyq ekendigi shyndyq. Jasóspirimder arasynda nashaqorlar sany ósýde, olardyń jartysynan astamy ishimdik ishýden de ket ári emes. Osylaısha, Balalardy qorǵaý kúni mereke ǵana emes, sonymen qatar, bolashaqqa baǵdar jasaıtyn mańyzdy sharanyń biri. Adamzattyń aldynda turǵan zor mindet - bolashaq urpaqtyń baqytty ómirin qalyptastyrý.

---