InfoHub Logo

Abaı oblysynyń mádenıet, tilderdi damytý jáne arhıv isi basqarmasynyń basshysy Janjigit Omarhan óńirdegi mádenıet salasynyń ardagerlerimen jáne jastar qaýymymen kezdesti. Kezdesýge eki júzden asa adam qatysty.

Jıyn basynda basqarmaǵa qarasty mekemelerdiń basshylaryn oryndarynan turǵyzyp jurtshylyqqa kórsetip, aldaǵy ýaqytta jumystardy osy azamattarmen birigip atqaratynyn atap ótti. Basqarmanyń qysqa jáne uzaq merzimdi jospary jasalatynyn aıtyp, óńirlik kórkemdik keńes qurý, sondaı-aq «Rýhanıat álemi» atty portal ashý týraly bastamalaryn usyndy. Atalǵan portal óńir rýhanıatyn keńinen nasıhattap, bar qundylyqty sıfrlandyra otyryp bir jerge jınaqtap, el múddesi úshin qyzmet etetin mańyzdy alańǵa aınalatynyn jetkizdi.

Kezdesý barysynda mádenıet salasyndaǵy ózekti máseleler, onyń ishinde teatr ınfraqurylymyna qatysty túıtkilder de kóterildi. “Abaı” qoǵamdyq qorynyń prezıdenti Otantaı Káribjanov: «Bir ǵımaratta úsh teatr jumys istep otyrǵanyn oblys ákimi Berik Ýálı myrzanyń aldynda kótergem. Arasyna apta salmaı sol máseleni Memleket basshysy Býrabaıda ótken IV Ulttyq Quryltaı otyrysynda óz aýzymen aıtyp «Halyq únine qulaq asatyn memleket» qaǵıdatynyń naqty kórinisin dáleldedi. Másele jeter jerine jetken eken, ákimge rahmet, endi sheshiletin shyǵar» dep oı túıindedi.

Sonymen qatar qolónershilerge arnaıy oryn bólý, belgili mádenıet qaıratkeri Temirjan Bazarbaevtyń mereıtoıyn ótkizý sıaqty birqatar usynystar aıtyldy. Óz kezeginde
Janjigit Abzalbekuly: «Barlyq usynystar men suraqtar nazarǵa alynady. Osy jerde hattama toltyrylyp jatyr, ári qaraı jumysqa kirisemiz, bizdiń quzyretimizge jatpaıtyndary tıisti organdarǵa jetkiziledi, ózderińizben birge jumys jasaımyz. Qordalanǵan máselelerdiń sheshimi bir kúnniń enshisinde emes, kezeń-kezeńimen sheshemiz dep oılaımyn» dedi.