Reseı Kýbogynyń toptyq kezeńiniń úshinshi týrynda Groznyıdyń «Ahmaty» Máskeýdiń «Dınamosynan» 0:3 esebimen iri jeńiliske ushyrady. Kezdesý Máskeýdegi «VTB Arenada» ótip, úı ıeleriniń senimdi jeńisimen aıaqtaldy, dep habarlaıdy infohub.kz.
«Dınamo» sapynda reseılik shabýylshylar Ivan Sergeev (43-mınýt), Iaroslav Gladyshev (53-mınýt) jáne Konstantın Túkavın (79-mınýt) gol soqty.
Qonaqtardyń bastapqy quramynda Qazaqstan quramasynyń shabýylshylary Maksım Samorodov pen Ǵalymjan Kenjebek shyqty. Kenjebek sary qaǵaz aldy jáne birinshi taımnan keıin aýystyryldy, al Samorodov alańda barlyq 90 mınýtty ótkizdi.
Qazaqstan quramasy tarıhyndaǵy úzdik mergen Bahtıer Zaınýtdınov «Dınamo» ótinimine enbedi — jartylaı qorǵaýshy jaraqatynan keıin qalpyna kelýin jalǵastyrýda.
Osy jeńistiń arqasynda Máskeý klýby alty upaı jınap, topta ekinshi orynǵa kóterildi, tek jeti upaıy bar «Krasnodardan» ǵana qalyp otyr. Qazaqstan quramasynyń burynǵy bas jattyqtyrýshysy Stanıslav Cherchesov basqaratyn «Ahmat» tórt upaımen úshinshi orynda. Týrnır kestesin bir upaımen Voronejdiń «Fakeli» jabady.