Qazaqstandyq boksshy Aıda Satybaldınova olımpıada chempıony Danıar Eleýsınovtiń sońǵy málimdemelerine qatysty pikir bildirip, onyń menedjeri Zıa Alıevke júgindi, dep habarlaıdy infohub.kz saıty.
Sportshy Instagram-daǵy storızinde boksshynyń ókilin ahýalǵa nazar aýdarýǵa shaqyrdy.
«Onyń ne kúıde júrgenin kórip otyrsyzdar. Onyń promoýteri retinde Danıarǵa kómektese almaısyz ba?» — dep jazdy ol.
Satybaldınova Eleýsınovke mamandardyń kómegi qajet bolýy múmkin dep te boljady.
«Eger oǵan mamandardyń kómegi, psıhologıalyq qoldaý nemese ońaltý qajet bolsa, menińshe, siz osyǵan nazar aýdarýyńyz kerek!» — delingen Satybaldınovanyń júginýinde.
Buǵan deıin olımpıada chempıony Danıar Eleýsınov аlkogólge táýeldiligi týraly alǵash ret ashyq málimdep, jankúıerlerine júgingen bolatyn.
Eske salaıyq, shilde aıynyń basynda Danıar Eleýsınov qamaýǵa alynyp, júrgizýshi kýáliginen aıyrylǵan. Sondaı-aq astanalyq polısıa onyń JKO-dan keıingi ustalý sátin kórsetti.
Sonymen qatar shilde aıynyń sońynda Qaraǵandyda eki jergilikti turǵyn áıeldi uryp-soǵý isi boıynsha úkim jarıalanyp, kináli dep Danıar Eleýsınovtiń áıeli tanyldy.