Almaty qalalyq sotynyń qylmystyq ister jónindegi apelásıalyq alqasy Air Astana-nyń enshiles kompanıasy FlyArystan-daǵy 1 mlrd teńgeden astam qarajatty ıemdený jáne qylmystyq kiristerdi zańdastyrý isi boıynsha úkimdi ózgerissiz qaldyrdy, dep habarlaıdy infohub.kz.
Bas kólik prokýratýrasynyń málimetinshe, apelásıalyq saty úkimdi ózgerissiz qaldyryp, qorǵaý shaǵymdaryn qanaǵattandyrmady.
Eske sala keteıik, bul is FlyArystan kompanıasyndaǵy qarajat ıemdenýge baılanysty. 2024 jyldyń basynda avıabılettermen alaıaqtyq anyqtalǵan soń ishki tergeý bastaldy. Sol jyldyń qazanynda táýelsiz aýdıt qorytyndylardy rastap, materıaldar quqyq qorǵaý organdaryna berildi.
Tergeý nusqasy boıynsha, qarajat ıemdenýge burynǵy top-menedjerler Daýr Erkenuly, Erkin Isanov jáne Renat Abýlhanov qatysty. Olar satý, kiris esebi jáne baǵdar jelisin basqarý bólimderinde basshylyq qyzmetter atqarǵan. Alaıaqtyq sqemasy arqyly avıabıletterdi satý kezinde kompanıaǵa 1 mlrd teńgeden astam zalal keltirgen.
2026 jylǵy mamyrda Almaty qalasynyń Almaly aýdandyq soty úsheýin de asa iri mólsherde qarajat ıemdený jáne qylmystyq kiristerdi zańdastyrý boıynsha kináli dep tanydy. Daýr Erkenuly toǵyz jylǵa, al Erkin Isanov pen Renat Abýlhanov segiz jyl alty aıǵa bas bostandyǵynan aıyryldy. Úsheýiniń de múlki tárkilenip, bes jyl boıy komersıalyq uıymdarda basshylyq laýazymdardy atqarýǵa tyıym salyndy. Jazasyn ortasha qaýipsizdik kolonıasynda óteıtin bolady.