Chehıanyń Brno qalasynda ótip jatqan kórkem gımnastıkadan Gran-prı kezeńinde qazaqstandyq gımnast Aqmaral Erekesheva júldegerler qatarynan kórindi, dep habarlaıdy infohub.kz saıty.
Senbi kúni sportshylar jeke kópsaıystaǵy medaldar jıyntyǵyn sarapqa saldy. Tórt baǵdarlama boıynsha jıyntyq upaı sanynda Erekesheva 116,500 upaı jınap, ekinshi orynǵa turaqtap, kúmis medalǵa qol jetkizdi.
Barlyq pánderde Qazaqstan ókili ekinshi nátıjeni kórsetti. Ony tek ýkraınalyq Taısıa Onofrıchýk qana basyp ozdy, ol 117,900 upaı jınady. Qola júldeni polák Lılıana Levınskaıa 108,250 upaımen ıelendi.
Brnodaǵy Gran-prı kezeńi 13 qyrkúıek, jeksenbi kúni aıaqtalady. Bul kúni jekelegen túrlerden fınaldar ótedi, oǵan irikteý kezeńindegi eń úzdik segiz nátıjeniń ıeleri joldama aldy. Erekesheva tórt pánniń barlyǵynda — sheńber, dop, shyǵyrshyq jáne lentamen — medal úshin kúresetin bolady.
Buǵan deıin sportshynyń Azıa oıyndaryna Qazaqstan quramasynyń ótinim tizimine engeni belgili boldy. Kórkem gımnastıkadan jeke baǵdarlamada el namysyn Aıbota Ertaıqyzy da qorǵaıdy.