Aqmola oblysy Derjavınsk qalasynyń turǵyny kóp kezeńdi alaıaqtyq sqemasynyń qurbany boldy: oǵan 25 mıllıon teńgege kredıt rásimdelgenin aıtyp sendirip, sońynda ol alaıaqtarǵa 1,9 mıllıon teńgeden astam aqsha aýdaryp qoıdy, dep habarlaıdy infohub.kz saıty.
Oblystyq polısıa departamentiniń baspasóz qyzmeti málim etkendeı, aldaý belgisiz bireýdiń qońyraýynan bastalǵan. Ol er adamǵa sálemdeme kelgenin aıtqan. Áńgimelesýshiniń nusqaýyn oryndap, aqmolalyq ózine kelgen SMS-kodty aıtyp bergen.
Sol-aq arada onymen bank qyzmetkerimin degen alaıaq habarlasqan. Ol er adamnyń atyna 25 mıllıon teńgege kredıt rásimdelgenin jetkizgen. Ony «joıý» úshin jábirlenýshige jańa aqshalaı kredıt rásimdeý usynylǵan.
Alaıaqtar er adamdy ádeıi stress jaǵdaıynda ustap, bolyp jatqan jaǵdaıdy sabyrmen baǵalaýyna múmkindik bermegen. Onyń ústine qupıalylyqty saqtaý syltaýymen ony aqparatty jarıalamaý týraly qolhat jazýǵa kóndirgen.
Alaıaqtardyń nusqaýyn jalǵastyra bergen er adam eki kredıt rásimdep, úshinshi tulǵalardyń shottaryna 1,9 mıllıon teńgeden astam aqsha aýdarǵan.
Osy derek boıynsha polısıa tergeý júrgizip, alaıaqtyqqa qatysy bar adamdardy anyqtap jatyr.