Endigi bir aýyz sóz, anamyz Aqsholpannyń kóregendigi jaıyn da.
Alashtyń áıeli Aqsholpan anamyz perzentti keshigip kóredi. Sol keshigip kórgen balasyn kótererde, anamyz ártúrli nárselerge jerik bolady. Ádepki balasyn — Aqarysty kótergende, qus pen qoıdyń etine jerik bolady. Osy balasyn týǵanda, anamyz aýyl adamdaryn shaqyryp alyp, tamaq berip otyrǵanda: «Bul balamdy kótererde qus pen qoı etine jerik boldym. Munyń tuqymy — maıda, usaq jáne qoı minezdi jýas
bolar», — depti.
Ekinshi balasy Janarysty kótererde túıeniń órkeshi men qomyna, jylqynyń qazysy men qartasyna jerik bolady. Bul balasyn týǵan soń shildehanaǵa kelgen adamdarǵa: «Muny kótererde jylqynyń qazysy men qartasyna, túıeniń órkeshi men qomyna jerik boldym. Munyń tuqymynda qazaqtyń handyq dárejesi men sán-saltanaty qalar, hannyń taǵy osy balamnyń urpaǵynda turar!» — depti.
Úshinshi balasyn kótererde, anamyz óziniń eriniń erligine qumartady. Bul balasy — Bekarysty týǵan soń shildehanaǵa kelgen adamdaryna anamyz: «Muny kótererde erimniń erligine qumartyp edim, bul balamnyń urpaǵy kileń iri, soı bolyp týyp, bek qazaqtyń qorǵany bolar!» — depti.