Qazaqstannyń birinshi raketkasy Aleksandr Býblık AQSh ashyq chempıonatyndaǵy ónerin aıaqtady, dep habarlaıdy infohub.kz saıty.
Úshinshi aınalymda álemdik reıtıńtiń 16-nómiri amerıkalyq Tommı Polmen kezdesti, ol ATP klassıfıkasıasynda 21-orynda tur.
Mach maksımaldy bes setke sozyldy, úshinshi set taı-breıkte aıaqtaldy. Pol 6:4, 3:6, 6:7 (4:7), 6:1, 6:3 esebimen jeńiske jetti.
Tenısshiler kortta 3 saǵat 13 mınýt ótkizdi. Osy ýaqyt ishinde Býblık 16 eıs jasady, alty qos qatelik jiberdi jáne jeti breık-poınttyń ekeýin ǵana paıdalandy.
Tórtinshi aınalymda Pol qytaılyq Ý Ibın men ıspandyq Karlos Alkarastyń arasyndaǵy mach jeńimpazymen oınaıdy. Qazaqstandyqtar erler arasyndaǵy jeke synda qalmady.
Sonymen qatar, Býblık US Open-ke juptyq synda da qatysady — qytaılyq Szúnchen Shanmen birge. Olardyń birinshi aınalymdaǵy qarsylastary — argentınalyq Sebastán Baes jáne vengr Fabıan Marojan.
US Open — maýsymdaǵy sońǵy Úlken dýlyǵa týrnıri. Ol Nú-Iorkte qatty kortta ótedi.