2026 jyldyń birinshi jartysynda Qazaqstandaǵy áleýmettik tólemder kólemi 3,3 trln teńgeni qurap, 4,6 mln adamdy qamtydy. Bul týraly Eńbek jáne halyqty áleýmettik qorǵaý mınıstri Asqarbek Ertaevtyń tóraǵalyǵymen ótken keńeıtilgen otyrysta belgili boldy. Otyrysta jartyjyldyq qorytyndy shyǵarylyp, jyl sońyna deıingi josparlar belgilendi, dep habarlaıdy infohub.kz saıty.
Mınıstr memlekettiń áleýmettik saıasatty júzege asyrýdy jalǵastyryp, azamattar aldyndaǵy mindettemelerdi der kezinde oryndap jatqanyn atap ótti. 2026 jyly áleýmettik tólemderge 6,8 trln teńge kózdelgen. Ertaevtyń aıtýynsha, basty mindetterdiń biri – tólemderdiń turaqtylyǵy men halyqty áleýmettik qoldaý sharalarynyń tıimdiligin odan ári arttyrý.
Otyrysqa mınıstrlik qyzmetkerleri, ortalyq jáne jergilikti atqarýshy organdardyń, komıtetterdiń, vedimistik baǵynysty uıymdardyń ókilderi, sondaı-aq Qoǵamdyq keńes músheleri qatysty.