Almatynyń Almaly aýdanynda polısıa qyzmetkerleri eki er adamdy ustady. Olardan belgisiz zat salynǵan oramalar, elektrondyq tarazy jáne shamamen 240 gram untaq tárkilendi, dep habarlaıdy infohub.kz saıty.
NUR.KZ agenttigi qalalyq polısıa departamentine silteme jasap habarlaǵandaı, aldymen Almaly aýdanynda bir er adam ustalǵan. Onyń páterinen shamamen 240 gram untaq tárkilengen.
«Sol jerden taǵy 50 daıyndalǵan orama, elektrondyq tarazy, túrli-tústi ızolenta men qolǵap tabyldy. Tergeý nusqasy boıynsha, bul jınaq tyıym salynǵan zatty qaptaýǵa qoldanylýy múmkin», — delingen habarlamada.
Birneshe kúnnen keıin sol aýdanda polıseıler taǵy bir kúdiktini ustady.
«Onyń qasynan aq tústi zat salynǵan 48 orama tabyldy. Tárkilengen zat saraptamaǵa jiberildi. Eki derek boıynsha qylmystyq is qozǵaldy. Kúdiktiler qamaýǵa alyndy. Tergeý zattardyń shyǵý tegin jáne bolǵan oqıǵanyń barlyq mán-jaıyn anyqtap jatyr», — dep qosty polısıada.
Buǵan deıin Almatyda tintý kezinde qaltasynan 53 kúdikti orama tabylǵan er adam ustalǵany habarlanǵan. Qylmystyq is qozǵaldy.