Almatynyń Áýezov aýdanynda Altyn Besik shaǵyn aýdanyndaǵy qoǵamdyq keńistikti abattandyrý jumystary aıaqtaldy. 1 gektar aýmaq «Halyq qatysatyn búdjet» jobasy aıasynda jańartyldy, dep habarlaıdy infohub.kz.
Trýdovaıa kóshesindegi alańda úlken jáne kishi fýtbol alańdary, basketbol alańy, vorkaýt aımaǵy jáne zamanaýı balalar oıyn kesheni jabdyqtaldy. Sondaı-aq serýendeý joldary, jańa oryndyqtar men kóshe jaryǵy ornatyldy.
Kógaldandyrý aıasynda 30 aǵash pen 300 buta otyrǵyzylyp, avtomatty sýarý júıesi ornatyldy. Turǵyndardyń qaýipsizdigi úshin aýmaq beınebaqylaý kameralarymen jabdyqtaldy.
Jańartylǵan keńistik sportpen shuǵyldanýǵa da, otbasylyq demalysqa da arnalǵan: munda balalar, jastar jáne eresek turǵyndar ýaqyt ótkize alady.
2026 jyly Áýezov aýdanynda «Halyq qatysatyn búdjet» aıasynda aýla aýmaqtary men qoǵamdyq keńistikterdi abattandyrý boıynsha 29 joba júzege asyrylady.
Buǵan deıin «Kýrsıv» Almatyda «Qazaqfılm» kınostýdıasynyń janyndaǵy aýmaqty abattandyrý bastalǵanyn jazǵan bolatyn. Onda qazaqstandyq kıno tarıhyna arnalǵan taqyryptyq qoǵamdyq keńistik, zamanaýı demalys aımaqtary men otandyq kınematografıaǵa qatysty elementter jasaý josparlanýda.