Endi almatylyqtar qalalyq kitaphanalardyń kitaptaryn áıgili «baraholkanyń» basynda ornalasqan Adem saýda ortalyǵynan tikeleı ala alady, dep habarlaıdy infohub.kz saıty.
Ákimdik baspasóz qyzmetiniń málimetinshe, jańa kitap berý pýnktinde 2 myńnan astam kitap bar. Bolashaqta qalanyń basqa aýdandaryndaǵy saýda ortalyqtarynda da osyndaı sóreler paıda bolady. Bul qaǵaz kitap oqýǵa oralǵysy keletinderdiń barynsha kóbin qamtýǵa kómektesedi.
«Kúndelikti ómirde kitaphanaǵa arnaıy baryp, kitap alýǵa árdaıym múmkindik bola bermeıdi. Endi jumys ornynan alystamaı-aq, bos ýaqytta osynda kelýge bolady. Bul — osynda jumys isteıtin kásipkerler men qyzmetkerlerge ǵana emes, saýda ortalyǵyna kelýshilerge de jaqsy múmkindik dep oılaımyn», — dedi kásipker Zalına.
Jańa kitap berý pýnkti seısenbiden jeksenbige deıin saǵat 09:00-den 18:00-ge deıin jumys isteıdi. Onda qazaq jáne orys tilderindegi basylymdar usynylǵan.
Eske salaıyq, kitaphanalardan tys jerlerde kitaptardy tegin alýǵa Almaty metrosynyń stansıalarynda jáne keıbir saýda ortalyqtarynda da bolady, ondaǵy sóreler avtonomdy. Al «baraholkada» kitaptardy adam beredi.
Buǵan deıin áleýmettik jeli qoldanýshylary Qazaqstandaǵy eń ádemi kitaphanalardyń biri dep atalǵan Qosshy qalasyndaǵy kitaphanaǵa tánti bolǵany habarlanǵan edi.