Jyl basynan beri Almatyda jol qozǵalysy erejelerin buzǵany úshin 18 myńnan astam elektrosamokat paıdalanýshysy jaýapkershilikke tartyldy, dep habarlaıdy infohub.kz.
Óńirlik komýnıkasıalar qyzmetinde ótken brıfıńte Almaty qalalyq polısıa departamentiniń qoǵamdyq qaýipsizdik basqarmasynyń bastyǵy Tımýr Noǵaıbaev samokat júrgizýshileri arasyndaǵy buzýshylyqtardy anyqtaý ádisteri týraly aıtty.
Onyń aıtýynsha, elektrosamokattardy paıdalanýdy retteıtin jáne olardy tolyqqandy kólik quraly dep tanıtyn jańa zańnamalyq talaptar engizildi. Samokat basqaratyndar men kıksherıng kompanıalary úshin birqatar mindettemeler qarastyrylǵan.
Daıyndyq kezeńinde qaladaǵy jol qaýipsizdigi men quqyqtyq tártipti qamtamasyz etý úshin qoldanylatyn avtomattandyrylǵan júıelermen, onyń ishinde «Sergek» júıesimen belsendi jumys júrgizildi. Qazirgi ýaqytta kıksherıng kompanıalarynyń derekterin polısıa men «Sergek» derekqorymen biriktirý jumystary júrgizilýde, bul elektrosamokat júrgizýshileri jiberetin quqyq buzýshylyqtardy jedel anyqtaýǵa múmkindik beredi.
Tımýr Noǵaıbaev qazir buzýshylyqtardy patrúldik polısıa, ýchaskelik ınspektorlar jáne mobıldi elektropatrýlder anyqtaıtynyn qosty.