Almaty qalasynyń ekologıa jáne qorshaǵan orta basqarmasy halyqtan eski avtokólikterdi satyp alý mehanızminiń málimetterin ashty, dep habarlaıdy infohub.kz saıty.
Buǵan deıin Almatyda avtoparkti jańartý úshin mamandandyrylǵan kompanıa qurý josparlanǵany belgili bolǵan edi. Ákimdikte: "Joba aıasynda ekologıalyq taza avtokólikterdi satyp alý úshin jeńildikti nesıeleý, lızıńtik baǵdarlamalar men Trade-In engizý múmkindigi qarastyrylýda. Oǵan Astana Motors, Orbis jáne basqa da kompanıalardy qosa alǵanda, jergilikti avtokólik óndirýshilerdi tartý josparlanýda", - dep habarlaǵan.
Ekologıa basqarmasynda satyp alý mehanızmi 2026-2027 jyldarǵa arnalǵan atmosferalyq aýa sapasyn jaqsartý jónindegi is-sharalar josparyna engizilgenin atap ótti. "Almaty qalasynyń atmosferalyq aýany qorǵaý qaǵıdalaryn iske asyrý aıasynda "Almaty" áleýmettik-kásipkerlik korporasıasy" AQ 2026-2028 jyldarǵa arnalǵan avtokólik quraldaryn qaıta óńdeý boıynsha óńirlik baǵdarlamanyń jobasyn ázirledi. Qazirgi ýaqytta baǵdarlama pysyqtalý satysynda", - dep túsindirdi vedomstvoda.
SPK "Almaty" jańa mehanızmdi engizý avtokólikterdiń aýanyń lastanýyna aıtarlyqtaı áser etýine baılanysty ekenin qosty. "Ekologıalyq talaptarǵa sáıkes kelmeıtin eski avtokólikterdi keıinnen qaıta óńdeýmen satyp alý mehanızmin engizý josparlanýda. Mundaı sharalar avtoparkti jańartýdy yntalandyrýǵa jáne eski avtokólikter sanyn azaıtýǵa múmkindik beredi. Bul óz kezeginde atmosferaǵa shyǵarylatyn zıandy zattar kóleminiń azaıýyna yqpal etedi", - dep málimdedi SPK-da.
Baǵdarlama ázirleý satysynda tur, qatysý sharttary men iske asyrý tártibi ázirge jarıalanbaıdy. Degenmen, halyqtan avtokólikterdi tikeleı satyp alý qarastyrylmaǵany atap ótiledi. Onyń ornyna iske asyrýǵa avtodılerler men otandyq óndirýshiler tartylady. "Qazirgi ýaqytta avtodılerler men avtokólik óndirýshilerdi jeńildikti qarjylandyrý mehanızmi qarastyrylýda. Oǵan sáıkes ekologıalyq klasy tómen avtokólik ıelerine jańa avtokólik satyp alý kezinde jeńildik sertıfıkattaryn berý josparlanýda", - delingen jaýapta.