Almatyda jańa bıznes-ıdeıalardy júzege asyrýǵa arnalǵan memlekettik granttar konkýrsynyń birinshi kezeńiniń qorytyndysy shyǵaryldy. Qarjylyq qoldaýdy halyqtyń áleýmettik osal toptaryna jatatyn qalanyń 164 turǵyny alady, dep habarlaıdy infohub.kz saıty.
Ótinimder 2026 jylǵy 24 maýsym men 8 shilde aralyǵynda qabyldandy. Barlyǵy memlekettik qoldaýǵa 377 adam ótinim berdi. Ótinimderdi qaraý 13-21 shilde aralyǵynda ótti.
Bir granttyń mólsheri 400 AEK-ke deıin, ıaǵnı 1,73 mln teńgege teń. Bul qarajat kásipkerlik jobalardy iske qosýǵa jáne damytýǵa arnalǵan.
Maquldanǵan baǵyttardyń ishinde – azyq-túlik óndirisi, qoǵamdyq tamaqtandyrý, kıim tigý, qoldan jasalǵan buıymdar jasaý, avtoservıs, sulýlyq ındýstrıasy, jıhaz óndirisi, klınıng jáne turmystyq qyzmetter. Sondaı-aq bilim berý, medısına jáne áleýmettik qyzmetter, IT, sıfrlyq tehnologıalar, qurylys jáne jóndeý salalaryndaǵy jobalar qoldaý tapty.
Jeńimpazdardyń kópshiligi kópbalaly otbasylardyń ókilderi – granttardy 103 adam alady. Taǵy 28 alýshy erekshe qajettilikteri bar adamdar, 27-si erekshe qajettilikteri bar balalardy tárbıelep otyr. Jeńimpazdar qataryna asyraýshysynan aıyrylǵan azamattar men ataýly áleýmettik kómek alýshylar da endi.
Ótinimderdi qaraý nátıjeleri qatysýshylardyń business.enbek.kz portalyndaǵy jeke kabınetterine jiberildi.