Almatyda qala keńistikterin zamanaýı ári yńǵaıly etý jumystary jalǵasýda. Almaly aýdanynda Panfılov kóshesiniń Jibek joly dańǵylynan Raıymbek dańǵylyna deıingi bóligi jańartylyp, Almaty-2 vokzalyna baratyn jaıaý júrginshiler baǵyty uzartyldy, dep habarlaıdy infohub.kz.
Joba «Halyq qatysatyn búdjet» baǵdarlamasy aıasynda aýdan ákimdiginiń qoldaýymen júzege asyryldy. Almaly aýdanynyń ákimi Arman Shamshınniń aıtýynsha, kósheniń qalaı bolýyn turǵyndardyń ózi daýys berip, bildirgen. Jumys barysynda trotýar brýschatkamen jabylyp, jaryqtandyrý úshin eki shaqyrymnan astam kabel jelileri tartylyp, 18 myńǵa jýyq buta otyrǵyzyldy.
Sonymen qatar aýdanda Chaıkovskı kóshesiniń Qazybek bı men Aıteke bı kósheleriniń aralyǵyndaǵy bóligi kórkeıtildi. Munda da «Halyq qatysatyn búdjet» tetigi qoldanylyp, kógaldandyrý jańartyldy, avtomatty sýarý júıesi, jańa jabyn, kóleńkeli shatyrlar men pergola ornatyldy, zamanaýı jaryqtandyrý montajdalyp, kabel jelileri tartyldy. Tarıhı ǵımarattardyń qasbetterin jańǵyrtý jalǵasyp, bıyl 60 úıdi jańartý josparlanǵan.
«Keleshek-51» PIK tóraıymy Elena Krasnovskaıa nátıjege rızashylyǵyn bildirdi: «Turǵyndar óte rıza. Óıtkeni mundaı jańarý. Aıtatyn eshteńe joq. Ózińiz kórip tursyz, ıá, úıge qarap túsinýge bolady. Ásirese, jóndeýge deıin jáne jóndeýden keıingi kórinis bar. Sonymen qatar bonýs retinde nóser kárizi júrgizip, jylytý kabelin ornatty».