Almatyda Qulja traktisiniń bir bóliginde jol qozǵalysy ýaqytsha shekteledi, dep habarlaıdy infohub.kz saıty.
24 shilde saǵat 20:00-den 27 shilde saǵat 08:00-ge deıin Buqtyrma kóshesinen Almaty qalasynyń shekarasyna deıingi aralyqta reversıvti qozǵalys uıymdastyrylady.
Shekteýler jol jabynyn ortasha jóndeý aıasynda asfáltbetonnyń joǵarǵy qabatyn tóseýge baılanysty engizilýde.
«Jol qozǵalysyna qatysýshylardy ýaqytsha qolaısyzdyqtardy túsinistikpen qabyldap, ýaqytsha jol belgileriniń talaptaryn jáne jyldamdyq rejımin saqtaýǵa shaqyramyz», – delingen Almaty ákimdiginiń habarlamasynda.
Jóndelip jatqan ýchaskede eskertý belgileri, sondaı-aq merdiger uıym basshysynyń baılanys aqparaty kórsetilgen stendter ornatylady.
Júrgizýshilerge ýaqytsha shekteýlerdi eskere otyryp, baǵytty aldyn ala josparlaý usynyldy.
Ákimdik jol qozǵalysyn shekteý týraly aqparattyń @AlmatyJoly Telegram-arnasynda, qalalyq bıliktiń áleýmettik jelilerinde, sondaı-aq 2GIS jáne «Iandeks Karty» servısterinde jarıalanatynyn eske saldy.