17-25 qazan aralyǵynda Almaty Arena kúzdiń basty tenıs oqıǵasy — ATP 250 sanatyndaǵy halyqaralyq Almaty Open týrnıriniń alańyna aınalady. Qazaqstan tenıs federasıasy bılet satylymyn bastap ketti, dep habarlaıdy infohub.kz saıty.
Bıyl týrnır qatysýshylardyń juldyzdy quramymen erekshelenbek. Korqa Qazaqstannyń birinshi raketkasy Aleksandr Býblık, qazaqstandyq tenısshi Aleksandr Shevchenko, álemniń toǵyzynshy raketkasy Danııl Medvedev, álemniń 18-shi raketkasy Karen Hachanov, Vengrıanyń birinshi raketkasy Fabıan Marojan jáne basqa da myqty tenısshiler shyǵady.
Otandyq jankúıerlerdiń nazary ásirese Aleksandr Býblıktiń qatysýyna aýdarylǵan. Qazaqstannyń birinshi raketkasy jankúıerlerine úndeý jasady: "Sálem, dostar! Qurmetti tenıs áýesqoılary, kezdesýdi asyǵa kútemin — Almaty Open-da kezdeskenshe", — dedi Býblık.
Almaty Open ATP resmı kúntizbesine enedi jáne ATP 250 sanatyna jatady. Álemdik tenıs maýsymynda bul sanattaǵy 29 týrnır 29 elde ótedi, al ár jarystyń jeńimpazy 250 reıtıńtik upaı alady. Almatydaǵy týrnırdiń júlde qory bıyl $1 mln astam bolady.
Uıymdastyrýshylar tek sporttyq quramǵa ǵana emes, sonymen qatar demalysqa da basymdyq beredi. Týrnır boıy qonaqtarǵa fan-zonalar men ınteraktıvti alańdar jumys isteıdi, seriktestik kúnderi men sheberlik sabaqtary, sondaı-aq tiri mýzykamen konsertter ótedi. Kelýshilerdi álemniń túrli asqanalarynyń taǵamdary bar fýdkorttar men otbasylyq oıyn-saýyq kútip tur. Osylaısha, Almaty Open tek úzdik tenısshilerdiń kezdesý orny ǵana emes, tolyqqandy demalys alańyna aınalady.
Kórermenderge standartty jáne VIP bıletter qoljetimdi. VIP paketke jeke kirý, kort janyndaǵy oryndar jáne keıterıng qyzmeti, sondaı-aq úsh Michelin juldyzy bar shef-aspazdyń meıramhana qyzmeti men oıynǵa panoramalyq kórinisi bar premıým aımaqtarǵa kirý kiredi.
Almaty Open-nyń bas seriktesteriniń biri — Beeline — Janymda qoldanbasynyń paıdalanýshylaryna arnaıy usynys daıyndady: JANYMDA20 promokody boıynsha standartty bıletterge 20% jeńildik. Usynysty paıdalaný úshin qoldanbany ashyp, jumys kúnderi bılet satyp alý kezinde promokodty engizý jetkilikti.
Beeline-den basqa, týrnırdiń bas seriktesteri — ForteBank, Emirates jáne Qazaqstanda sportty damytý men halyqaralyq jarystar ótkizýdi qoldaıtyn basqa da kompanıalar.
Týrnırge bıletterdi Ticketon.kz, Afisha.yandex.kz, zakazbiletov.kz jáne sxodim.com saıttarynan da satyp alýǵa bolady.