1 qyrkúıek qarsańynda Almatydaǵy jol jaǵdaıy quqyq qorǵaý organdarynyń erekshe nazaryn talap etedi. Megapolıstiń tas joldarynda qurylys jumystary áli aıaqtalmaǵandyqtan, polısıa kólik júktemesiniń aıtarlyqtaı artýyna daıyndalýda, dep habarlaıdy infohub.kz.
Almaty qalalyq PD Jol qaýipsizdigi basqarmasynyń bastyǵy Tımýr Nogaıbaev Óńirlik komýnıkasıalar qyzmetinde ótken brıfıńte oqý jylynyń basynda barlyq jol nysandary paıdalanýǵa berilmeıtinin atap ótti. Bul júrgizýshiler men jaıaý júrginshilerge qosymsha qıyndyqtar týǵyzady.
«Júkteme, árıne, orasan zor bolady. Qıylystarda jol qozǵalysy qaýipsizdigin qamtamasyz etetin jaıaý patrúlder shyǵarylady. Biz adamdardyń qıylystyń bos emes ekenin, alda keptelis ekenin bile tura, soǵan qaramastan kirip, keptelis týdyratynyn jıi kóremiz. Sondyqtan mundaı quqyq buzýshylyqtar men keptelisterdiń aldyn alý úshin biz mindetti túrde patrúldik polısıa narádtaryn shyǵaramyz», — dedi Nogaıbaev.
Qalaǵa kiretin tas joldarǵa — Talǵar jáne Qulja traktilerine, sondaı-aq Almaty oblysynyń Qarasaı aýdany baǵytyna erekshe nazar aýdarylady. Onda qosymsha patrúldik beketter paıda bolady.
Bul rette baǵdarshamdardyń jumysyn túzetý josparlanbaǵan. Alaıda, basqarma bastyǵynyń aıtýynsha, qajet bolǵan jaǵdaıda kezekshi bólim operatorlary jaǵdaıdy baqylaý jáne problemaly qıylystarda trafıkti jedel retteý úshin beınebaqylaý júıesin paıdalanady.