Almatyda Saına kóshesiniń Rysqulovtan Tóle bıge deıingi bóliginde jyldamdyq 60 km/saǵ deıin shektelgeni belgili boldy. Bul tájirıbe Al-Farabı dańǵyly men VOAD-ta qoldanyla ma, qalalyq polısıada aıtyldy, dep habarlaıdy infohub.kz.
Almaty polısıa departamentiniń resmı ókili Saltanat Ázirbek Óńirlik komýnıkasıalar qyzmetindegi brıfıńte Saına kóshesiniń Tóle bı men Rysqulov aralyǵyndaǵy eki baǵytta da pılottyq rejımde jańashyldyq — jyldamdyqty 60 km/saǵ deıin shekteý engizilgenin túsindirdi.
«Bul tájirıbeni barlyq jerde qoldaný máselesi ázirge qarastyrylyp jatqan joq. Biz ony jekelegen ýchaskede, apattylyq deńgeıin eskere otyryp synap jatyrmyz. Taldaý júrgizildi. Jol-kólik oqıǵalarynyń sanyn azaıtý úshin osy ádisti qoldanamyz. Bul ýchaskede synaq aıaqtalmaıynsha, ony barlyq jerde qoldanýdy josparlap otyrǵan joqpyz. Al qalǵan ýchaskelerde jyldamdyq rejımi ózgerissiz qaldy», — dedi Saltanat Ázirbek.
Eske salaıyq, buǵan deıin Saına kóshesiniń bir ýchaskesinde jyldamdyq rejımi tómendetilgeni habarlanǵan bolatyn. Sondaı-aq vedomstvo qoldanystaǵy jolaqtardyń enin qaıta bólý arqyly tórt jolaqty qozǵalys uıymdastyrýǵa qol jetkizilgenin atap ótti.