Almatydaǵy Ortalyq stadıon mańyzdy fýtbol machyna daıyndalýda: 20 tamyzda «Qaırat» Eýropa lıgasynyń pleı-off kezeńinde Belgıanyń «Anderleht» komandasymen kezdesedi. Alaıda oıyn qarsańynda osy arenada ótken Kane Ýestiń aýqymdy konsertinen keıin gazonnyń jaı-kúıi týraly másele týyndady. Belgili bolǵandaı, qalpyna keltirý jumystary qarqyndy júrip jatyr, dep habarlaıdy infohub.kz saıty.
Almaty sport qurylystary dıreksıasynyń málimetinshe, shoýdan keıingi kúni, ıaǵnı 16 tamyzdan bastap, stadıonda demontaj jumystary bastaldy. Sodan keıin mamandar fýtbol alańyna kútim jasaý boıynsha josparly agrotehnıkalyq is-sharalarǵa kiristi.
«19 tamyzdaǵy jaǵdaı boıynsha gazonda shabý, aerasıa jáne tesý, qosymsha egý, qum sebý, sondaı-aq kúndizgi jáne túngi kúsheıtilgen sýarý jumystary júrgizilýde. Barlyq jumystar tabıǵı jabynnyń aǵymdaǵy jaı-kúıin jáne 20 tamyzdaǵy aldaǵy fýtbol machyn eskere otyryp, profıldi mamandarmen oryndalýda», — dedi dıreksıada.
Fýtbol alańynyń jaı-kúıi turaqty baqylaýda ekeni atap ótildi. Mamandar gazondy oıynǵa daıyndaý úshin qajetti kútim sharalarynyń keshenin jalǵastyrýda.