Almaty men Almaty oblysynda elektr qýaty jıi óship turǵanyna qaramastan, tutynýshylar úshin tarıf áli de kóteriledi. Bul nelikten bolyp jatqanyn «KEGOC» AQ basqarma tóraǵasy Nábı Aıtjanov úkimettegi brıfıńte túsindirdi, dep habarlaıdy infohub.kz saıty.
Aıtjanovtyń aıtýynsha, KEGOC kompanıasy úshin elektr energıasy qunynyń ósýi áli mamyr aıynda bolǵan jáne biryńǵaı satyp alýshy baǵasynyń ózgerýine baılanysty bolǵan. «Tarıfke bastapqyda 13 teńge salynǵan bolatyn, is júzinde ol ózgerdi, qazir biryńǵaı satyp alýshynyń baǵasy shamamen 30 teńgeni quraıdy. Ol, tıisinshe, shyǵyn qunyna áser etti», — dedi ol.
KEGOC basshysy aldaǵy besjyldyqqa josparlarymen de bólisti: «Besjyldyqqa arnalǵan tarıf 2026 jyldyń 1 qazanynan bastap josparlanyp otyr — besjyldyq baǵdarlama. Qazir ol Tabıǵı monopolıalardy retteý komıtetinde qaralyp jatyr. Aldyn ala boljam boıynsha, ortasha ósim shamamen 2 paıyzdy quraıdy. Al 5 jyldyq ortasha tarıf 11-13 paıyzǵa ósedi. Biraq naqty sandy ázirge bilmeımiz, qazir KREM ony qarastyryp jatyr».
Aıtjanov keltirilgen sandar tek KEGOC tarıfine qatysty ekenin, al tutynýshylar úshin túpkilikti tarıfti komıtet bekitýi tıis ekenin atap ótti.