«Altyn-Emel» memlekettik ulttyq tabıǵı parkinde fotoqaqpan jyrtqysh pen onyń áleýetti jemtiginiń tosyn kezdesýin túsirip aldy, dep habarlaıdy infohub.kz saıty.

QR Ekologıa jáne tabıǵı resýrstar mınıstrliginiń Instagram-paraqshasynda jabaıy tabıǵat ómirinen qyzyqty sát kórsetildi: bir sýatqa búrkit pen aqbókender qatar kelgen.

«Tabıǵatta olardyń kezdesýi ádette múlde basqasha sıpatta bolady: biri — jyrtqysh, ekinshisi — áleýetti olja. Biraq bul joly bári basqasha boldy. Jaqyn kórshilikke qaramastan, búrkit pen aqbókender ózin sabyrly ustap, bir-birine múldem mán bermeıdi», — dep atap ótti vedomstvoda.

Mamandardyń aıtýynsha, búrkit aqbókenniń tólin aýlaı alady, al aqbókenderdiń ózi ádette bul jyrtqyshtan aýlaq júrýge tyrysady. Sondyqtan Altyn-Emeldegi bir sýattaǵy mundaı tynysh kórshilik erekshe qyzyǵýshylyq týdyrady.

«Mundaı minez-qulyqtyń bir sebebi — qatty ystyq pen sýǵa degen qajettilik bolýy múmkin. Jazǵy aptapta sýattar jabaıy janýarlar úshin erekshe mańyzǵa ıe, al shóldi qandyrý qajettiligi keıde ádettegi saqtyqtan kúshtirek bolýy múmkin», — dep qosty Ekologıa mınıstrliginde.