InfoHub Logo

Aq qoıan
Sabaqtyń maqsaty: Balalarǵa qoıan týraly túsindirý. Orman týraly bilimderin keńeıtý. Sózdik qoryn molaıtý, este saqtaý qabiletterin damytý. Kórnekilikterdi paıdalana otyryp, balalardyń sózdik qorlaryn damytý.
Kórnekilikter: Qoıannyń sýreti, slaıd taqta.

1. Uıymdastyrý kezeńi.
Shattyq sheńber!
"Qoıandar polkasy" bıi

2. Ótkendi qaıtalaý.
- Qazir jyldyń qaı mezgili?
- Kóktem mezgili neshe aıdan turady?
- Kóktem aılaryn ataıyqshy?
- Kóktem mezgilinde aýa raıy qandaı bolady?
- Bir aptada neshe kún bar?

3. Jańa sabaq.
- Búgingi uıymdastyrylǵan oqý is - áreketi: Til damytý.
Taqyryby: Aq qoıan.
Balalar men qazir sizderge jumbaq jasyramyn jumbaqtyń jaýabyn shesheıikshi.
Kóleńkesinen qorqyp bezekteıdi
Al onyń balasyn kójek deıdi.
Balalar: Bul qoıan.
Tárbıeshi: - Jaraısyzdar balalar, bul qoıan.
Balalar taqtaǵa nazar aýdaraıyqshy.
- Bul qandaı ań?
- Qoıan
- Ol qaıda mekendeıdi?
- Ormanda, úıde.
- Qoıannyń balasyn qalaı ataımyz?
- Kójek
- Qoıan qandaı ań?
- Qorqaq, qulaǵy uzyn, súıkimdi janýar.
- Qoıan nemen qorektenedi?
- Sábizben
Tosyn sát.
Balalar, bizge qonaq kelgen sıaqty, esikti bireý soǵyp turǵan sekildi.
Sekirip qoıan kirip keledi:

- Sálemetsizder me, balalar!
Balalar:- Sálemetsiz be, qoıan!
Qoıan:
- Men sizdermen tanysaıyn dep qonaqqa kele jatyrmyn.
Tárbıeshi:
- Sálemetsiz be qoıan! Qosh keldińiz, biz siz týraly aıtyp jatyrǵan edik.
Qoıan:
- Solaı ma? Onda men jaqsy kelgen ekenmin.
Tárbıeshi:
- Siz jaıǵasyp, tynyǵyp alyńyz. Bizdiń balalar sizge arnap taqpaqtar aıtyp bersin. Qane, kim qoıanǵa arnap taqpaq aıtady?

Aıan:
Aq qoıan - aý, aq qoıan
Ketpe deımin qasymnan
Barma, sirá, mundaı ań,
Óz - ózinen shoshynǵan.

Jumabaeva Asylaı:
Men kishkentaı kójekpin,
Qorqaq emes ójetpin.
Maǵan zorǵa tıgeni - aı
Úlkenderden kezektiń.

Alıjan:
Erinbe qoıanym,
Erteńmen oıanǵan.
Sekeńde sen endi
Shynyqtyr deneńdi

Asylaı:
Qoıan, qoıan turshy,
Beti qolyńdy jýshy.
Shashyńdy tarashy,
Aınaǵa qarashy.

Renat:
Aq qoıan - aý, aq qoıan,
Úrkek qoıan, saq qoıan.
Qasha berseń ormanǵa,
"Qorqaǵym"dep at qoıam.

Qoıan: Oı, bárekeldi! Men jaıly ádemi taqpaqtar aıtyp berdińizder. Rahmet sizderge!
Tárbıeshi:- Jaraısyzdar balalar! Qane balalar, olaı bolsa ornymyzdan turyp boıymyzdy sergitip alaıyqshy.
Sergitý sáti:
Uzyn qulaq sur qoıan,
Estip qalyp sybdyrdy.
Oıly - qyrly jerlermen,
Ytqyp - ytqyp sekirdi.
Qarap edi artyna,
Qıyǵyn salyp kóziniń.
Kele jatqan tompańdap,
Kójegi eken óziniń.

Endeshe balalar oıyn oınaıyq.
Oıynnyń aty:"Qaı ańnyń súıikti asy" dep atalady.
Oıynnyń barysy: Birneshe balany oıynǵa shyǵaryp, myna janýarlar qandaı taǵammen qorektenetinin balalar tabý kerek. Oıyndy qyzyqty etip oınaý.

Qoıan:- Oı rahmet, jaqsy balalar ekensińder men týraly kóp maǵlumat taqpaqtar biledi ekensizder. Olaı bolsa men júreıin, taǵyda baratyn jerlerim bar edi.
Tárbıeshi: Aq qoıan saý bolyńyz. Olaı bolsa balalar biz búgin qandaı taqyrypta sabaq ótkizdik?
- Qoıan taqyrybynda.
- Qoıan qandaı ań eken?
- Qorqaq qulaǵy uzyn, ádemi, súıkimdi janýar.
- Ol qaıda mekendeıdi eken?
- Ormanda
- Qoıan nemen qorektenedi?
- Sábizben.
Jaraısyzdar balalar! Búgingi sabaqqa jaqsy qatystyńyzdar.
Aıan, Asylaı, Alıjan, Asylaı, Renat qoıanǵa jaqsy taqpaqtar aıttyńyzdar. Osymen oqý is - áreketimiz aıaqtaldy. Saý bolyńyzdar balalar! Kelgen qonaqtarǵa saý bolyńyzdar dep aıtaıyq!

Mańǵystaý oblysy, Túpqaraǵan aýdany,
Baýtın aýyly, «Aqbota» balabaqshasynyń tárbıeshisi
Muqasheva Aıman Qranqyzy