AQSH-ta Atlantadan Dallasqa ushyp bara jatqan jolaýshylar ushaǵynda noýtbýk tutanyp ketti. Ekıpaj músheleri órtti dereý sóndirdi, alaıda birneshe adam qolynan jaraqat aldy, dep habarlaıdy infohub.kz.
Oqıǵa American Airlines áýekompanıasynyń 2398 reısinde, Atlanta — Dallas baǵytynda oryn aldy. Ushaq Dallas/Fort-Ýert halyqaralyq áýejaıyna qonýǵa túsip, jaqyndap kele jatqanda, salonnyń artqy bóliginde jolaýshylardyń biriniń noýtbýgi tutanyp ketti.
Órt lıtı-ıondy akýmýlátordyń qyzyp ketýinen paıda boldy. Salon tez arada tútinge toldy. Bortserikter tez áreket etip, jalyndy sóndirip, qatty qyzǵan qurylǵyny arnaıy termozashıtalyq konteınerge salyp, órttiń ári qaraı taralýyna jol bermedi.
Oqıǵa saldarynan beske jýyq jolaýshy qolynan kúıik aldy — olar órtti sóndirýge kómektesýge tyrysqan nemese jalyn kózine jaqyn bolǵan. Ekıpaj komandıri dıspecherlerge tútindengenin habarlap, ushaq sátti qonyp, ózdiginen geıtke deıin jetti.
Jerde ushaqty jedel járdem qyzmetteri men dárigerler brıgadasy kútip turdy. Zardap shekkenderge medısınalyq kómek tikeleı áýejaıda kórsetildi. Áýekompanıa ekıpajdy órtti joıý kezindegi kásibıligi úshin alǵys bildirdi.