Argentına quramasynyń jartylaı qorǵaýshysy Leandro Paredes uzaq merzimge dıskvalıfıkasıalandy, dep habarlaıdy infohub.kz saıty.
32 jastaǵy sportshy 2026 jylǵy álem chempıonatynyń fınalyndaǵy oqıǵadan keıin jazalandy. Ispanıa quramasymen mach aıaqtalǵan soń Paredes qarsylas komandanyń birneshe oıynshysyna shabýyl jasady. Halyqaralyq fýtbol federasıasynyń (FIFA) tártiptik komıteti fýtbolshyny on machqa dıskvalıfıkasıalap, 90 myń dollar (aǵymdaǵy baǵam boıynsha shamamen 41,5 mıllıon teńge) aıyppul salýdy uıǵardy.
Argentına quramasynyń qorǵaýshysy Naýel Molına da osyndaı aqshalaı jaza aldy. Alaıda onyń merzimi qysqaraq — jeti machqa.
Argentınalyq shabýylshy Tágo Almada men ıspanıalyq jartylaı qorǵaýshy Gavı bir-bir oıynnan ótkizip jiberedi. Ońtústik Amerıka komandasynyń bas jattyqtyrýshysy Roberto Aııala úsh machqa dıskvalıfıkasıalandy. Úsheýi de 30 myń dollar kóleminde aıyppul aldy.
Eske salaıyq, FIFA tártiptik komıteti álem chempıonatynyń qorytyndysy boıynsha Argentına fýtbol qaýymdastyǵyna da sanksıa salǵan bolatyn.