Japonıada ótip jatqan HH Azıada-2026 oıyndarynda qazaqstandyq trıatlonshy Arlan Janabaı qola júldege qol jetkizip, ulttyq quramaǵa týrnırdiń alǵashqy medalin syılady, dep habarlaıdy infohub.kz saıty.
Trıatlon jarysy úsh kezeńnen turdy: 750 metr júzý, 20 shaqyrym velojarys jáne 5 shaqyrym júgirý. Janabaı bul qashyqtyqty jalpy 53 mınýt 11 sekýndta baǵyndyryp, úshinshi orynǵa turaqtady.
Jeńisti japondyq Takýmı Hodzo 52 mınýt 56 sekýnd nátıjesimen jeńip aldy. Kúmisti qytaılyq Sıjýı Chjan 53 mınýt 5 sekýnd ýaqytpen ıelendi. Qazaqstannyń taǵy bir ókili Aıan Beısenbaev 54 mınýt 56 sekýndpen toǵyzynshy bolyp márege jetti.
Janabaıdyń medali ulttyq qurama úshin Azıada-2026-daǵy tuńǵysh júlde boldy. Sportshynyń ózi osyndaı deńgeıdegi jarysta alǵash ret synǵa tústi.
«Qýanyshym sheksiz. Qashyqtyqtyń basynda joǵaryraq orynǵa talasýǵa josparlaǵan edim, biraq sál jetpedi. Sońynda kórshi Ózbekstan sportshysymen úshinshi oryn úshin kúresýge týra keldi. Bar kúshimdi saldym. Óte aýyr boldy. Márege jaqyndaǵanda kóz aldym qarańǵylanyp ketti, biraq sońynda júldeger atandym. Veloetaptan keıin topty qýyp jetýge týra keldi. Ony oryndaǵan soń júlde úshin kúrese alatynymdy túsindim. Trassa onsha qolaıly bolmady. Burylystar men aınalmalar kóp edi. Veloetaptan keıin júgirý aldynda aıaqtarym sharshap qaldy. Biraq biz jaqsy daıyndaldyq, forma tamasha, sondyqtan nátıjege rızamyn. Árıne, jeńgim keldi, biraq úshinshi orynǵa da qýanyshtymyn. Eń qıyny júgirý kezeńi, ásirese sońǵy 500 metr boldy. Qalǵany jaqsy ótti», — dep keltiredi 20 jastaǵy Janabaıdyń sózin Qazaqstan Respýblıkasynyń Ulttyq olımpıadalyq komıteti.
Jarystyń alǵashqy medal kúninde Qazaqstan quramasy debúttik altynmen de erekshelendi. Azıada-2026 chempıony atanǵan veloshabandoz Rınata Sýltanova.