Қазақстанның вице-чемпионы «Астана» Павлодарда Қазақстан Премьер-лигасы-2026 жарысының 18-турының кейінге шегерілген матчында «Ертіс» клубын 1:0 есебімен жеңді, деп хабарлайды infohub.kz сайты.
Күнтізбе бойынша ойын 18 шілдеде өтуі тиіс еді. Алайда сол кезде Еурокубоктерде ойнай бастаған астаналықтардың өтініші бойынша кездесу белгісіз мерзімге шегерілген болатын.
ҚАЗАҚСТАН ПРЕМЬЕР-ЛИГАСЫ-2026
18-турдың шегерілген матчы. 14 қазан
⚽ ЕРТІС (Павлодар) – АСТАНА 0:1 (0:1). Гол: Исламхан, 50, пенальти
«Астана» жазда Конференциялар лигасының іріктеуінде сәттілікке қол жеткізе алмады. Ал ішкі чемпионатта Григорий Бабаян шәкірттері қола жүлдеге және жаңа маусымдағы Еурокубоктер жолдамасына басты үміткер саналып отыр.
Бүгінгі «Ертіс» клубымен матчтың тағдырын 50-минутта Бауыржан Исламхан соққан пенальти шешті. Төреші Антон Кучма айып добын Рамазан Каримовтың қолмен ойнағаны үшін белгіледі. Бұл эпизодта жасөспірімдер құрамасының қорғаушысына астаналықтардың капитаны Марин Томасов «көмектесті».
Төменгі лигаға түсу аймағына қауіпті жақын тұрған «Ертіс» тең есепке қол жеткізуге қатты ұмтылды, бірақ Ерлан Шойтымұлы баптайтын командаға сәттілік жүз бермеді – 0:1.
КПЛ-2026 23-турында 17 және 18 қазанда «Оқжетпес» – «Қызылжар», «Жетісу» – «Қайсар», «Тобыл» – «Жеңіс», «Ақтөбе» – «Ордабасы», «Алтай» – «Атырау», «Елімай» – «Ұлытау», «Қайрат» – «Ертіс» және «Астана» – «Каспий» кездеседі.