Kúlja traktisiniń bir bóliginde ortasha jóndeý jumystaryna baılanysty ýaqytsha jol qozǵalysyna shekteý engiziledi, dep habarlaıdy infohub.kz saıty elorda ákimdigine silteme jasap.
Iaǵnı, 24 shilde saǵat 20:00-den 27 shilde saǵat 08:00-ge deıin Buhtarma kóshesinen qala shekarasyna deıingi ýchaskede jol tósemin ortasha jóndeý aıasynda asfáltobetonnyń joǵarǵy qabatyn tóseýge baılanysty keri baǵyttaǵy qozǵalys uıymdastyrylady.
Jol qozǵalysyna qatysýshylardy ýaqytsha qolaısyzdyqtardy túsinistikpen qabyldap, ýaqytsha jol belgileriniń talaptary men jyldamdyq rejımin saqtaýǵa suraımyz.
Jóndelip jatqan ýchaskede eskertý belgileri men merdiger uıym basshysynyń baılanys aqparaty jazylǵan stendter ornatylady. Óz baǵytyńyzdy aldyn ala josparlaýdy suraımyz.