«Astana» halyqaralyq qarjy ortalyǵynda (HQO) jańa jeke kompanıa — Arvo Capital Group Ltd paıda boldy. Qurylymnyń jalǵyz aksıoneri — Astana máslıhatynyń VIII shaqyrylym depýtaty Jandos Rahmet, dep habarlaıdy infohub.kz saıty.
Kompanıa 2026 jylǵy 5 qazanda tirkeldi. Negizgi qyzmet túri retinde holdıńtik kompanıalardyń jumysy málimdeldi. Arvo Capital Group Ltd kapıtaly 10 mln teńgeni quraıdy: qurylym 1 myń teńgeden 10 myń jaı aksıa shyǵardy.
Jarıalanǵan derekterge sáıkes, kompanıa holdıńtik qyzmetpen aınalysady.
Quryltaıshy nemen tanymal
Jandos Rahmet 1986 jylǵy 19 maýsymda Aqmola oblysynyń Ereımentaý qalasynda dúnıege kelgen. 2006 jyly L.N. Gýmılev atyndaǵy Eýrazıa ulttyq ýnıversıtetin «Quqyqtaný» mamandyǵy boıynsha bitirgen.
2023 jyldyń naýryzynan bastap ol elorda máslıhatynyń quramynda. 2025 jyldyń aqpanyna deıin áleýmettik-mádenı damý jónindegi komısıada boldy, al 2025 jylǵy 14 aqpannan bastap máslıhattyń búdjet, ekonomıka, ónerkásip jáne kásipkerlik máseleleri jónindegi turaqty komısıasyna aýysty.
Depýtattyq qyzmetinen bólek, Jandos Rahmet 2022 jyldyń sáýirinen bastap «Qazaqstandyq Skeıtbordıng federasıasyn» basqarady, al 2023 jyldyń aqpanynan bastap Balaland.kz dırektory bolyp jumys isteıdi.