Qazaqstan astanasynda jylqynyń ystalǵan etin arzan baǵamen satý syltaýymen 31 adamdy aldaǵan kásipkerge úkim shyǵaryldy, dep habarlaıdy infohub.kz saıty.
Astana prokýratýrasynyń málimetinshe, er adam Instagram men WhatsApp arqyly azamattardan aldyn ala tólem alyp, taýardy jetkizý mindettemesin ádeıi oryndamaǵan.
Satyp alýshylardy adastyrý úshin ol buryn oryndalǵan tapsyrystar men oń pikirlerdi paıdalanǵan, al túsken qarajatty jeke qajettilikterine jumsaǵan.
Qylmystyq áreketter saldarynan 31 jábirlenýshige 1,7 mln teńgeden astam materıaldyq shyǵyn keltirildi, dep atap ótti qadaǵalaý organynda.
Sot úkimimen zalaldy tolyq óteýin eskerip, oǵan probasıalyq baqylaý belgileı otyryp, eki jyl segiz aıǵa bas bostandyǵyn shekteý jazasy taǵaıyndaldy. Úkim zańdy kúshine engen joq.
«Astana prokýratýrasy azamattardy áleýmettik jeliler men messendjerler arqyly satyp alý kezinde saq bolýǵa jáne tekserilmegen satýshylarǵa aldyn ala tólem retinde aqsha aýdarmaýǵa shaqyrady», — delingen qadaǵalaý organynyń habarlamasynda.