Astanada birneshe aı boıy burynǵy seriktesin zańsyz qýdalaǵan er adamǵa qatysty úkim shyǵaryldy, dep habarlaıdy infohub.kz saıty.
Astana prokýratýrasynyń málimetinshe, elorda turǵyny tórt aı boıy áıelge qońyraý shalyp, habarlama jiberip, onyń turǵylyqty jerine kelip, úıiniń janynda kútip turyp, balaǵattaǵan. Munyń bári qorǵaý nusqamasyna qaramastan jasalǵan. Nátıjesinde jábirlenýshi ózi men kámeletke tolmaǵan qyzy úshin únemi qorqynyshta boldy, onyń jeke qaýipsizdik pen qarym-qatynas erkindigine quqyǵy buzyldy.
Memlekettik aıyptaýshy sottalýshynyń kinásin dáleldedi. Sot oǵan 100 saǵat qoǵamdyq jumys taǵaıyndady. Úkim zańdy kúshine endi, dep habarlady prokýratýra.
Astana prokýratýrasy stalkıng, ıaǵnı adamdy onyń erkine qarsy, zorlyq-zombylyqsyz, biraq eleýli zıan keltirgen baılanys ornatýǵa jáne/nemese ańdýǵa baǵyttalǵan áreketter arqyly zańsyz qýdalaý 50 táýlikke deıin qamaýǵa alýǵa deıingi qylmystyq jaýapkershilikke ákep soǵatynyn eske salady.