15-17 qazan aralyǵynda Qazaqstan astanasy júzýden álem kýbogynyń kezeńin — World Aquatics Swimming World Cup Astana 2026-ny alǵash ret qabyldaıdy, dep habarlaıdy infohub.kz saıty.
Bıyl Halyqaralyq júzý federasıasy (World Aquatics) álem kýbogynyń biryńǵaı baǵyty aıasynda Eýrazıanyń úsh qalasyn — Baký, Tashkent jáne Astanany biriktirdi. Serıa Silk Road Tour dep ataldy. Serıanyń ashylýy 1-3 qazanda Bakýde ótedi, ekinshi kezeń 8-10 qazanda Tashkentte, al týrnır 15-17 qazanda Astanada márege jetedi.
Astanadaǵy kezeń baǵdarlamasynda — 34 jeke dısıplına: erler men áıelder arasynda 17-den. Sondaı-aq sportshylar erler, áıelder jáne aralas estafetalarda synǵa túsedi.
Startqa álemniń jetekshi júzýshileri, onyń ishinde olımpıada chempıondary men júldegerleri, álem chempıonattarynyń medal ıegerleri jáne qazirgi álem rekordshylary shyǵady.
Barlyǵy Silk Road Tour-dyń úsh kezeńine 50-den astam elden 750-den asa sportshy qatysady dep kútilýde. Serıanyń jalpy júlde qory álemdik rekordtar men basqa da jetistikter úshin bonýstardy qospaǵanda, 1,2 mln AQSh dollaryn quraıdy.