InfoHub Logo

Astana qalasyndaǵy birqatar meıramhanalardyń as mázirinde, tipti belgili franshızalardyń ózinde, qarapaıym farsh dep satylǵan ónimniń quramynda ıttiń eti bolǵany sot sheshimimen rastaldy. Bul týraly «ChestnoGovorá» podkastynda belgili boldy.

Bul týraly Infohub.kz aqparat agenttigi habarlaıdy.

Quqyq qorǵaýshy Sergeı Snegırevtiń aıtýynsha, Qazaqstanda jyldar boıy ıttiń etin daıyndap, qoǵamdyq tamaqtaný oryndaryna jetkizip otyratyn jerasty bıznesi gúldenip ketken. Ol tipti sot prosesinde bul faktiniń dáleldengenin atap ótti.

Ittiń eti qalaı anyqtaldy?

Snegırevtiń sózinshe, bir meıramhanadan 100 keli etke baqylaý satyp alý júrgizilgen. Keıinnen, tintý kezinde úıinen 750 keli et tárkilengeni aıtylady. Onyń ıttiń eti ekeni jáne ony basqa etke qosý úshin daıyndaǵany alǵa tartyldy.

Oraldaǵy jaǵdaı

Zooaktıvıst Temirlan Tospaev Oral qalasyndaǵy jaǵdaıǵa toqtaldy. Onyń aıtýynsha, qaladaǵy ıttterdi ustaýǵa arnalǵan tenderdi jergilikti et óńdeý kompanıasy utqan. Ákimdik bul sheshimdi memlekettik satyp alý týraly zańǵa sáıkes, kompanıaǵa bas tartýǵa quqyǵy bolmaǵandyqtan qabyldanǵanyn túsindirgen. Bul kompanıa ıttterdi ustaýmen aınalysýǵa nıet bildirgen jalǵyz kásiporyn bolǵan.

Almaty oblysyndaǵy oqıǵa

Suhbatqa qatysýshylar birneshe jyl buryn Almaty oblysynda bolǵan oqıǵany eske aldy. Sol kezde eriktiler ıttterdi óltiretin oryndy tapqan. Ol jerde tiri janýarlar da bolǵan – olardyń arasynda úısiz júrgenderi de, úı janýarlary da kezdesken. Keıbir ıttterdiń moınynda áli belgileri bar ekeni aıtyldy.

Depýtattyń ustanymy

Snegırev, sondaı-aq, úısiz janýarlardy evtanazıalaýdy jaqtap shyqqan depýtat Edil Janbyrshınge qatysty pikirin bildirdi. Onyń aıtýynsha, depýtat adam ómiriniń ıttiń ómirinen mańyzdy ekenin jáne úısiz janýarlardyń áıelder men balalarǵa shabýyl jasaıtynyn jıi aıtqan. Snegırev depýtattyń janýarlardy jek kóretinin jáne janýarlarǵa qatysty zańnamaǵa ózgerister engizý jumystaryn basqarýyna qatysty tańdanysyn jasyrmady.