Qazaqstandyq aralas jekpe-jek (MMA) sheberi Asý Almabaev Real American Freestyle (RAF) erkin kúres lıgasyndaǵy alǵashqy jekpe-jeginde jeńiliske ushyrady, dep habarlaıdy infohub.kz saıty.
Sportshy Klıvlendte ótken RAF 12 týrnırinde óner kórsetti. Onyń jeńil salmaqtaǵy (66 kelige deıin) qarsylasy amerıkalyq Djonnı Dıdjýlıýs boldy. Kezdesý merziminen buryn aıaqtaldy: 88 sekýnd ishinde AQSh ókili on upaılyq basymdyqqa jetti — 10:0. Osylaısha, Dıdjýlıýstyń RAF-ta eki jeńisi jáne eki jeńilisi bar.
Almabaev bolsa lıgadaǵy alǵashqy kezdesýin jeńilispen bastady. 30 tamyzda qazaqstandyq brazılıalyq jıý-jıtsýge mamandanǵan ACB JJ uıymynda debút jasaıdy. Onda Almabaev tájikstandyq Halım Nazrýloevpen tıtýldyq jekpe-jek ótkizedi.
RAF 12-niń basty jekpe-jeginde UFC-diń burynǵy chempıondary amerıkalyq Genrı Sehýdo men grýzın Merab Dvalıshvılı kezdesti. AQSh ókili 36 sekýndta jeńiske jetip, RAF Crossover belbeýin ıelendi.