Syrym  jıyrma  alty  jasynda bir joldasymen Nuraly hannyń úıine barsa, Qaraman tana Malaısarymen sóılesip otyr eken.
— Balalar, aman ba? — depti de, elemeı ózderi sóılese beripti. Syrym joldasyna daýystap:
— Júr, keteıik, bular bizdi adam dep otyrǵan joq qoı! — deıdi.
Malaısary jalt qarap:
— Ata turyp ul sóılegennen bez, Ana turyp qyz sóılegennen bez. Syrnaıdaı sarnaǵan myna bala kim edi? -— deıdi.
— Ata turyp ul sóılese, er jetkeni bolar,Ana turyp qyz sóılese, boıjetkeni bolar,— deıdi Syrym.
— Sen tolǵan ekensiń, men tozǵan ekenmin,— dep Malaısary sonda Syrymdy qasyna shaqyrǵan eken.