InfoHub Logo

Qazaqstannyń táýelsizdik tarıhymen attas esim ıesi bar ekenin bilesiz be? Konstıtýsıa Nartbaeva esimdi aqsaqaldyń taǵdyryna qatysty qyzyqty oqıǵany bizben bólisti.

Bul týraly Infohub.kz aqparat agenttigi habarlaıdy.

Konstıtýsıa Nartbaeva 1958 jyly Túrkistan oblysynyń Jetisaı qalasynda dúnıege kelgen. Onyń erekshe esimine qatysty tarıhy tyńdaýshyny tań qaldyrady. Zeınetkerdiń aıtýynsha, onyń atyn Halyq qaharmany, jazýshy Baýyrjan Momyshuly qoıǵan.

Esimniń tarıhy

Konstıtýsıa Nartbaevanyń anasy oǵan deıin birneshe sábıin joǵaltqan eken. Ákesi Oryn Sultanbekov aýyldyń syıly azamaty bolǵan. 5 jeltoqsanda Konstıtýsıa dúnıege kelgende, úıge Baýyrjan Momyshuly kelipti. Sábıdiń qyz ekenin estigende, qaharman «Atyn men qoıaıyn» dep, erekshe esim bergen kórinedi.

Konstıtýsıanyń otbasynda ózinen úlken Bazarbek esimdi aǵasy jáne keıin týǵan sińlisi bolǵan.

«Atymdy aýystyrǵym keldi»

Óz esimine Konstıtýsıa Nartbaeva ár jerde tańdanyspen qaraıtynyn aıtady. Jas kezinde atyn aýystyrý týraly oılaǵanymen, keıin bul oıynan bas tartqan.

«Qurbylarym meni Katá, Katúsha dep ataıtyn. Bankke nemese basqa jerlerge barǵanda, esimimdi estigender tańǵalyspen qaraıtyn. Kishkentaı kezimde «nege bulaı qoıdyńdar?» dep, atymdy ózgertkim keletin. Biraq keıin azan shaqyryp qoıylǵan esimdi ózgertýdiń qajeti joq degen sheshimge keldim. Mine, osy esimmen 68 jyl ómir súrdim», – deıdi Konstıtýsıa Nartbaeva.

Konstıtýsıa Nartbaevanyń eki uly bar. 40 jyl medısına salasynda qyzmet etken ol, qazir nemereleriniń ortasynda Astana men Taraz qalalarynyń arasynda turyp jatyr.