Qazaqstandyqtardyń zeınetaqy jáne áleýmettik qamsyzdandyrý salasyndaǵy memlekettik aýdıt zeınetaqy aktıvteri eseptiliginde eleýli kemshilikti anyqtady: debıtorlyq jáne merzimi ótken bereshek, sondaı-aq qurylǵan provızıalar týraly málimetter Biryńǵaı jınaqtaýshy zeınetaqy qoryna (BJZQ) jeke basqarýshy kompanıalardan «ózge aktıvter» degen jıyntyq kórsetkish quramynda — naqty somalar men úlestersiz kelip túsken. Bul týraly infohub.kz saıty habarlaıdy.
Joǵary aýdıtorlyq palatanyń (JAP) baspasóz qyzmeti túsindirgendeı, mundaı tájirıbe zeınetaqy aktıvterin basqarý sapasyn baqylaý múmkindigin shektegen. Egjeı-tegjeıliliktiń bolmaýy qadaǵalaý organdaryna jáne qordyń ózine jeke kompanıalardyń salymshylar qarajatyn basqarýyna baılanysty táýekelderdi jedel baǵalaýǵa múmkindik bermegen.
Joǵary aýdıtorlyq palatanyń nusqamasy boıynsha BJZQ ınvestısıalyq portfeldi basqarýshylarmen jáne olarǵa qyzmet kórsetetin kastodıan-banktermen qosymsha kelisimder jasady. Jańartylǵan qujattarda, habarlamada aıtylǵandaı, debıtorlyq bereshekti, merzimi ótken bereshekti jáne qurylǵan provızıalardy naqty somalar men olardyń úlesterin kórsete otyryp ashý mindeti bekitilgen.
JAP-ta atap ótkendeı, eseptilikti egjeı-tegjeıli kórsetý BJZQ-ǵa jáne qadaǵalaý organdaryna jeke kompanıalardyń basqarýyndaǵy aktıvterdiń sapasyn jedel qadaǵalaýǵa jáne yqtımal táýekelderdi ýaqtyly anyqtaýǵa múmkindik beredi. Osylaısha qazaqstandyqtardyń zeınetaqy jınaqtaryn senimdirek qorǵaý qamtamasyz etiledi.
Memlekettik aýdıt qorytyndysy boıynsha qalǵan nusqamalardyń oryndalýy Joǵary aýdıtorlyq palatanyń baqylaýynda qalady.