Aýstralıalyq teleradıokorporasıanyń (ABC) habarlaýynsha, zertteý nátıjesinde eldegi 31 regbı oıynshysynan mıdyń sozylmaly jaraqattyq ensefalopatıasy (CTE) anyqtalǵan. Bul — tek ólgennen keıin ǵana dıagnoz qoıýǵa bolatyn neırodegeneratıvti aýrý, dep habarlaıdy infohub.kz saıty.
Aýstralıalyq sporttyq mı bankiniń málimetinshe, 20, 30 jáne 40 jastaǵy oıynshylarda bul aýrý anyqtalǵan. Zertteýge 51 regbı oıynshysynyń mıy berilgen, onyń 31-inde CTE tabylǵan. Donorlar áýesqoıdan kásibı deńgeıge deıin sporttyń ártúrli deńgeıinde oınaǵan.
CTE buryn NFL oıynshylarynda, sondaı-aq regbı-únıon jáne basqa da kontaktili sport túrlerimen aınalysatyndarda anyqtalǵan. Zertteýde regbı oıynshylarynyń arasynda NRL juldyzy ári jattyqtyrýshy Pol Grın jáne 2020 jyly ystyq aýa-raıynda jattyǵý kezinde qaıtys bolǵan 20 jastaǵy Menlı Sı Iglz oıynshysy Kıt Tıtmýs ta bar.
ABC sońǵy statısıkany alǵanyn, ol mı bankinde kontaktili sportpen aınalysqan adamdardyń alǵashqy 150 mıyn tekserý nátıjelerine negizdelgenin habarlady. Bul qujatty molekýlalyq bıolog ári derekter ǵalymy Djennıfer Kroplı seısenbide Melbýrnde ótken Halyqaralyq sporttyq konferensıada usynǵan. The Australian gazeti sıaqty otandyq BAQ konferensıaǵa tilshilerdi jibermegenin habarlady.