Dúısenbi, 14 qyrkúıekte Japonıada ótip jatqan Azıada-2026 oıyndarynda erler basketbol týrnıri jalǵasady. Kezekti machty Qazaqstan quramasy ótkizedi, dep habarlaıdy infohub.kz saıty.
S tobynyń úshinshi týrynda Aleksandr Lysák jattyqtyratyn ulttyq komanda Bahreınmen kezdesedi. Oıyn 14 qyrkúıekte Astana ýaqytymen 06:00-de bastalady.
Alǵashqy eki týrda qazaqstandyq basketbolshylar iri eseppen jeńilis tapty — Qytaıdan (61:99) jáne Fılıppınnen (78:109). Komanda kvartet kestesiniń sońynda tur, alaıda dúısenbidegi jeńis pleı-offqa shyǵý múmkindigin saqtap qalady.
Bahreın quramasy da Qytaıǵa jol berdi (59:105), biraq Fılıppınmen machta basym tústi (89:85).
Erler basketbol týrnırine barlyǵy úsh topqa bólingen 12 komanda qatysady. Shırek fınalǵa ár kvartetten eki úzdik qurama tikeleı joldama alady. Sonymen qatar, úshinshi oryn alǵandar arasynan eki úzdik komanda pleı-off joldamasyn ıelenedi.
Ótken Hanchjoý-2022 Azıadasynda Qazaqstannyń erler basketbol quramasy topta úshinshi oryn alyp, shırek fınalǵa shyǵý úshin ótken styk machtarda jeńilis tapqan bolatyn.