Japonıa qabyldap otyrǵan 2026 jylǵy jazǵy Azıa oıyndarynda Qazaqstannyń júzý quramasy ekinshi jarys kúnin ótkizdi: dúısenbide qazaqstandyq sportshylar úsh fınalda júlde úshin synǵa túsip, ekeýi úzdikterdiń segizdigine endi, dep habarlaıdy infohub.kz saıty.
2024 jylǵy Olımpıada oıyndarynyń qatysýshysy Ksenıa Ignatova baterfláı, arqamen júzý, bras jáne erkin stıldi qamtıtyn 200 metrge keshendi júzýde segizinshi bolyp márege jetti. Onyń ýaqyty — 2 mınýt 16,13 sekýnd. Bul baǵdarlamada jeńisti Azıanyń jańa rekordyn ornatqan Qytaıdyń 13 jastaǵy ókili Iýı Szydı ıelendi — 2 mınýt 6,1 sekýnd.
50 metrge arqamen júzýde de Ignatova segizinshi oryndy ıelenip, 28,55 sekýnd nátıje kórsetti.
Gleb Kovalená 50 metrge erkin stılde japondyq Shýeı Masýmotomen 7-8 oryndy bólisti: ekeýi de qashyqtyqty 22,17 sekýndta júzip ótti. Olımpıada-2024 qatysýshysy Ádilbek Mýsın osy dısıplınada irikteýde 18-oryn alyp, fınalǵa óte almady.
Taǵy bir qazaqstandyq júzgish Aleksandr Rýmynskı 50 metrge arqamen júzýde aldyn ala kezeńde 21-nátıje kórsetip, jarystan shyǵyp qaldy.
Sofá Abýbakırova Ignatovamen birge 50 metrge arqamen júzýde óner kórsetti, biraq fınalǵa ótpedi: aldyn ala júzýler qorytyndysy boıynsha sportshy 15-oryn aldy.
Aıbat Myrzamuratov 100 metrge braspen júzýde irikteýde 12-nátıje kórsetip, fınalǵa rezervke endi, alaıda sheshýshi júzýde synǵa túspedi.
Qazaqstannyń erler quramasy 4h200 metrge erkin stıldegi estafetada da aldyn ala kezeńde toqtady. Maksım Klımenko, Maksım Skazobsov, Aleksandr Rýmynskı jáne Fódor Dıdenkodan quralǵan komanda alǵashqy ondyqty túıindedi.