Qazaqstandyq erkin kúres sheberi Bekasyl Asambek jastar arasyndaǵy kúres túrlerinen álem chempıonatynda kúmis júldeger atandy. Fınalda ol amerıkalyq Aaron Djeıms Seıdelden 0:7 esebimen utylyp qaldy. Sportshy 61 kelige deıingi salmaq dárejesinde óner kórsetti... dep habarlaıdy infohub.kz saıty.
Fınalǵa deıin Asambek Qytaı, Ýkraına jáne Reseı balýandaryn tize búktirip, úsh kezdesýde de 10:0 esebimen basym tústi. Jartylaı fınalda qazaqstandyq japondyq Isýkı Ionashıromen kezdesip, tartysty básekede 3:1 esebimen jeńiske jetti.
Sol kúni 68 kelige deıingi salmaqta qazaqstandyq sportshy Ýldana Tıleýhan qola júldeni qanjyǵasyna baılady. Ol úshinshi oryn úshin ótken beldesýde ýkraınalyq Aleksandra Rybakty 4:2 esebimen utty.
Osyǵan deıin Bratıslavadaǵy týrnırde Qazaqstannyń jalǵyz medali grek-rım kúresinen 67 kelide synǵa túsken Qyzybek Qalmaǵambetovtiń altyny bolatyn.
Halyqaralyq kúres federasıasynyń (UWW) qoldaýymen ótip jatqan álem birinshiligi Slovakıa astanasynda ótýde. Oǵan 700 jas sportshy qatysyp, kúrestiń úsh túrinen — grek-rım, erkin jáne áıelder kúresinen — 120 júlde jıyntyǵyn sarapqa salýda.
Bul jarysta Qazaqstan namysyn 30 sportshy qorǵap jatyr: 20 jigit jáne 10 qyz. Týrnır 23 tamyzda aıaqtalady.